Everyone

LeavingStone

Froyo

...

როდესაც იმედის ბოლო სხივი წყვდიადმა შთანთქა, როდესაც გული აღარ გულობს და ქადა შეუჭმელი ხმება, როდესაც ქაღალდის ნასახიც არ მოგეპოვება და მელნის უკანასკნელი წვეთიც დიდი ხნის წინ დააშრო უსასრულო მოლოდინმა, როდესაც უკან დასახევი გზა ასჯერ არის დედაბუდიანად გაზომილი და ერთხელ ძირფესვიანად მოჭრილი - თამაში უნდა გაგრძელდეს!

აღრიცხე ჯოკერის თამაშის ყოველი სვლა, დიადი მიღწევა და თბილი მოგონება შენს ძვირფას სმარტფონში.

► ამ აპლიკაციით ძალგიძს:

გააოგნო შენი მეგობრები, რომ ფლობ ასეთ აპლიკაციას.

ზედმიწევნით აღრიცხო ჯოკერის ყოველი ხელი - თვალი თვალის წილ, პასი პასის წილ!

მარტივად განასხვავო სიტყვა და საქმე - ვინ რამდენი თქვა და ვინ რამდენი აიღო.

დაივიწყო ტვინის ჭყლეტა და ოდესღაც ნასწავლი არითმეტიკა - ყველა გამოთვლა სრულდება პირნათლად.

გახდე განგების მარჯვენა და განსაზღვრო ხიშტის ოდენობა.

გადაარჩინო რამდენიმე თავმომწონე ხე და მელანი რისგანაც მზადდება, ეგ.

► როგორ?!

1. ატუზე თამამად!

2. შეიყვანე მოთამაშეების სახელები რიგის მიხედვით.

3. აირჩიე ხიშტის ოდენობა ერთ სულ მოსახლეზე.

4. ცხრილის პირველ გრაფაში წერ რამდენი თქვა მოთამაშემ და მომდევნო გრაფაში - რამდენი აიღო. 

სხვათაშორის, გრაფებს შორის ნავიგაცია გაგიადვილდება ღილაკით Next, თუმცა, როგორც გსურს, ისე მოიქეცი.

5. ხიშტის აღსანიშნავად უბრალოდ მიუთითე - ან 0.

6. აპლიკაცია პრემიებს აჯამებს ავტომატურად.

7. თამაში გრძელდება იმდენ ხანს, რამდენიც საჭიროა.

8. არა იმრუშო!

Joker | ჯოკერი

Joker | ჯოკერი uygulamasının en son sürümü